Call the yowes tae the knowes


Ca' the yowes tae the knowes,
Ca' them where the heather grows,
Ca' them where the burnie rows,
My bonnie dearie.

As I went doon yon water side,
It was there I met my shepherd lad;
He row'd me sweetly in his plaid,
And aye he ca'd me dearie.

'Will ye gang doon yon water side,
That through the glen sae sweetly glide,
Beneath the hazels spreading wide,
And the moon it shines sae clearly.'

'Ye shall have rings and ribbons meet,
Calf-leather shoes upon your feet,
And in my arms ye'll lie and sleep,
And ye shall be my dearie.'

'If ye'll but stand by what ye've said,
I'll gang wi' you, my shepherd lad,
And ye may row me in your plaid,
And I shall be your dearie.'

'While waters wimple tae the sea,
While day blinks in the sky sae hie,
Till clay-cold death shall blin' my e'e,
Ye shall be my dearie!'

1. ewes
2. knolls
3. stream runs
4. rolled
5. blind my eye